Tripod Turnik

Turniketlər, eləcə də keçid nəzarət (Access Control) sistemləri istehsal müəssisələrinin, inzibati binaların, şirkət ofislərinin, məktəblərin, universitet kampuslarının, stadionların, istirahət və fitness mərkəzlərinin, əyləncə parkları və zooparkların, ticarət mərkəzlərinin girişində piyadaların giriş və çıxışlarına nəzarət etmək üçün ən effektiv vasitələrdən sayılır.

Belə ki, təhlükəsizlik baxımından, turniketin qolları əksər hallarda sadəcə bir istiqamətdə fırlanaraq, əks istiqamətdəki girişlərin qarşısını alır. Bununla da, turniket sistemlərinin varlığı şərait yaradır ki, təhlükəsizlik heyəti hər bir şəxsə ayrı-ayrılıqda nəzarət etsin və ehtiyac halında təhlükə vəd edə biləcək problemlərə tam zamanında müdaxilə olunsun. Həmçinin, təcili evakuasiya hallarında turniketlər asanlıqla gözə çarpdığı üçün, insanların çıxış istiqamətini təyin etməsində böyük rol oynayır.

Bundan başqa, turniketlərə inteqrasiya olunmuş kartlı, barmaq izli və ya üz oxuyuculu keçid nəzarət (Access Control) sistemləri vasitəsilə giriş-çıxışa dair hesabatlar əldə etmək mümkündür. Bu özəllik xüsusilə ofislər, fabriklər üçün çox əlverişli sayılır. Belə ki, məhz bu özəllik sayəsində, işçilərin giriş-çıxış saatları və ya davamiyyəti asanlıqla müəyyənləşdirilir.

Eləcə də, turniketlər və keçid nəzarət (Access Control) sistemləri sayəsində biznes obyektləri, öz istifadəçilərinin keçid sayını müəyyənləşdirə bilir və bir növ ödəniş sistemini avtomatlaşdırırlar. Çünki, turniketlər bir çox hallarda ödəniş qəbulundan sonra işə düşmək üçün hazırlanır. Sözügedən ödəniş qəpik və ya bənzərlərinin qəbulu, kağız və ya elektronik olaraq kodlaşdırılmış turniket kartlarının oxunması vasitəsilə həyata keçir. Müxtəlif sensorlar, enerji qəbulediciləri və işıqlarla təmin olunmuş, səmərəli çalışan turniket sistemləri fərqli tələblər qarşısında alternativ həll yolları təqdim etmək üçün hər zaman ideal seçimdir.